पपई लागवड करण्यापुर्वी नियोजन असे कराल Papaya cultivation practices

पपई लागवड करण्यापुर्वी नियोजन असे कराल♥प्रगतशील शेतकरी♥

♥पपईच्या लागवडीसाठी हलक्‍या ते मध्यम, भारी जमिनीपर्यंत कोणतीही जमीन चालते;
मात्र पाण्याचा चांगला निचरा होणारी जमीन असावी.

♥पपई हे उष्ण कटिबंधात वाढणारे पीक आहे.

♥जोरदार वारे आणि कडाक्‍याची थंडी या पिकास मानवत नाही.

♥कोरडे हवामान या फळपिकाच्या कालावधीत उपयोगी ठरते.

♥संकरित पपई जातींच्या वाढीसाठी सरासरी 25 ते 30 अंश से. तापमान योग्य ठरते.

♥रानाची स्वच्छता करून मशागतीनंतर पूर्वीच्या पिकाची धसकटे, चिपाडे व बांधावरील तणे काढून वेचून नष्ट करावीत.
यामुळे रोग व किडींच्या अवशेषांचा नाश होऊन पुढील प्रादुर्भाव कमी होण्यास मदत होते.

♥जमिनीची निवड केल्यानंतर तिची उभी-आडवी नांगरट करून खड्डे करण्यासाठी ढेकळे फोडून जमीन सपाट करून घ्यावी.

♥जमिनीच्या मगदुराप्रमाणे दोन बाय दोन(2X2) मीटर अंतरावर खुणा करून घ्याव्यात.
अशा खुणा केलेल्या ठिकाणी 45 X 45 X 45 सें.मी. आकाराचे खड्डे खोदून, तळाला पालापाचोळा टाकावा.

♥यानंतर पोयट्याची माती, शेणखत यांचे मिश्रण समप्रमाण घेऊन खड्डे भरून घ्यावेत आणि झाडांना पाणी देण्यासाठी पाट पाडून घ्यावेत.

♥लागवड करण्यासाठी पेरणीपूर्वी बियाणे सात ते आठ तास पाण्यात भिजत ठेवावे.

♥पपईची रोपे पिशवीतसुद्धा तयार करता येतात.

♥रोपे साधारणतः नऊ ते दहा इंच उंचीची झाल्यावर म्हणजेच दोन ते अडीच महिन्यांची झाल्यावर लागवडीसाठी तयार होतात.

♥प्रत्येक खड्ड्यामध्ये दोन रोपे लावून त्यांना पाणी द्यावे.

♥रोपे कोलमडू नयेत म्हणून काठीने आधार द्यावा.

♥पपईच्या प्रत्येक झाडाला माती परीक्षणानुसार
250 ग्रॅम नत्र,
250 ग्रॅम स्फुरद,
500 ग्रॅम पालाश दिल्यास चांगले उत्पादन मिळते.

♥त्याचबरोबर दोन ते तीन घमेली शेणखत प्रत्येक झाडाला मातीत मिसळून द्यावे.
---------------------------------------------------------------------------
तैवान पपई ७८६च्या लागवडीविषयी माहिती♥प्रगतशील शेतकरी♥

♥ तैवान पपई ७८६ कोणत्या वेळी लागवड करावी

पपईची लागवड वर्षातून जून-जुलै, सप्टेंबर-ऑक्‍टोबर, फेब्रुवारी-मार्च या महिन्यांत करावी.

♥ तैवान पपई ७८६ एकरी किती लागवड करावी

रोपांची संख्या 1000 प्रति एकर
लागवडीचे अंतर - 2 X 2 मीटर.
बी पेरण्याचे प्रमाण - 20 ग्रँम प्रति एकर.

♥ तैवान पपई ७८६ शेतकऱ्यांच्या दृष्टीने रोप विकत घेणे योग्य की बी विकत घेणे योग्य

रोपे घेणे महाग पडते तेव्हा शक्य असल्यास, रोपे घरी बनवावीत.

त्यासाठी, 12.5 X 7.5 चौ. सेमी आकाराच्या पिशवीला तळाशी छिद्र पाडावे.

त्यात शेणखत व माती हे 1:1 प्रमाणात मिसळून भरावे. प्रत्येक पिशवीत 1 ताजे बी रुजत घालावे.

ह्या बीयांना नियमित पाणी घालावे.

त्यानंतर दीड ते दोन महिन्यांनी रोपाची लागण करावी.

♥ खात्रीलायक बी किंवा रोप कोठे उपलब्ध होईल

बियाण्यासाठी जवळपासच्या कृषि सेवा केंद्राशी संपर्क साधावा.

संकलित!